გაეროს საერთაშორისო მოდელირების დელეგატებს საქართველოს პრეზიდენტმა, გიორგი მარგველაშვილმა უმასპინძლა.
მონაწილეების კითხვები რუსეთის მიერ განხორციელებულ ოკუპაციას, საგარეო პოლიტიკას, რუსეთთან ურთიერთობებს, საქართველოში გატარებულ საკონსტიტუციო რეფორმას, პრეზიდენტის უფლებამოსილებებს, ქვეყნის დემოკრატიულ გამოწვევებსა და ეკონომიკურ განვითარებას ეხებოდა.
მონაწილეებს პრეზიდენტმა ასევე გაუზიარა საკუთარი ხედვა, თუ რა შეიძლება გააკეთოს ახალმა პრეზიდენტმა რუსეთთან ურთიერთობების ნორმალიზებისა და რეგიონში უსაფრთხოების გასაძლიერებლად.
GIMUN საქართველოში კანტის აკადემიის ინიციატივით და გაეროს მოდელირების საერთაშორისო ასოციაციის ოფიციალური პატრონაჟით გუშინ გაიხსნა.
კონფერენცია ხვალ, ქალაქ თბილისის საკრებულოში ოფიციალურად დაიხურება.
