სტუდენტებს შინაგან საქმეთა სამინისტროში, ვიზიტის ფარგლებში სამინისტროს წარმომადგენლებმა უმასპინძლეს.
ახალგაზრდებს მართლწესრიგისა და დანაშაულის პრევენციის შესახებ ესაუბრნენ. მათ მოსწავლეებს საკუთარი ფუნქცია-მოვალეობები გააცნეს და სამართალდამცველთა საქმიანობის შესახებ ახალგაზრდების მიერ დასმულ შეკითხვებს ამომწურავად უპასუხეს.
მართლწესრიგის ოფიცრებმა კანტის აკადემიის სტუდენტებს შინაგან საქმეთა სამინისტროს ახალი ინსტიტუტის «მართლწესრიგის ოფიცრის» ლოგოს გამოსახულებიანი სიმბოლური საჩუქრებიც გადასცეს.
შეხვედრა გაიმართა პროექტის «საზოგადოებასა და პოლიციას შორის ნდობის გამყარება» ფარგლებში, რომელსაც საქართველოს სტრატეგიის და განვითარების ცენტრი (GCSD) ნიდერლანდების სამეფოს საელჩოს მხარდაჭერით ახორციელებს.
